Një person kërcënon nipin për borxh, arrestohet nga Policia
Konfliktet në mes të familjarëve në vendin tonë janë goxha të shpeshta dhe përcillen me kanosje serioze e përleshje që eskalojnë edhe në rrahje brutale.
Problemet për të cilat nuk arrijnë të merren vesh i shtyjnë ata t’i qërojnë vet hesapet, duke u futur kështu në sherr edhe në Polici, raporton Gazeta Sinjali.
Një rast i tillë ka ndodhur gjatë ditës së djeshme në Gjakovë, ku një person përfundoi ën pranga nën dyshimet për kanosje.
Siç merr vesh Sinjali, i dyshuari e ka kërcënuar nipin e vet për shkak të një mosmarrëveshje që kanë pasur mes vete lidhur me borxh.
Kanosja ndaj nipit i kushtoi të dyshuarit me arrestim dhe shoqërim në stacion policor.
Ndaj tij, Prokurori i Shtetit ka urdhëruar masën e ndalimit policor dhe inicimin e rastit.
