Fillon ndërtimi i rrugës në këtë fshat të Podujevës

Kanë nisur punimet në ndërtimin dhe asfaltimin e rrugës së fshatit Kushevicë.

Drejtori për Planifikim Urban dhe Mbrojtje të Mjedisit, Leutrim Krasniqi, ishte në vizitë për të parë nga afër realizimin e punimeve të këtij projekti.

Drejtori Krasniqi e quajti realizimin e këtij projekti shumë të rëndësishëm për banorët që jetojnë në këtë fshat, por edhe për faktin që kjo rrugë e lidh Podujevën me Prishtinën.

Realizimit të këtij projekti i ka paraprirë një memorandum i bashkëpunimit i nënshkruar nga Komuna e Podujevës dhe Ministria e Mjedisit, Planifikimit Hapësinor dhe Infrastrukturës.

Pjesa e rrugës Kushevicë-Nishec në të cilën janë duke u zhvilluar punimet është e gjatë 2662m, me gjerësi 5.5m. Kurse kostoja e këtij projekti është 489,285.00 euro.