Futbollisti kosovar u vonua në stërvitje, Gatusso e përjashton nga ekipi
Trajnerit të njohur italian, Gennaro Gattusos, i ka dalë menjëherë problem te Hajduku i Splitit me një lojtar shqiptar.
Bëhet fjalë për Emir Sahitin, i cili është përjashtuar përkohësisht nga ekipi kroat, shkruan Indeksonline.
Kjo ndodhi për shkak se futbollisti i Kombëtares së Kosovës ia theu rregullat trajnerit italian, pra u vonua në stërvitje.
“Ne jemi një ekip futbolli, lojtarët e dinë se çfarë thashë kur mbërrita. Ai nuk i zbatoi rregullat, u vonua në stërvitje dhe qëndroi në shtëpi.
“Duhet të respektohen rregullat, ky është stili im. Shpresoj që të mos ndodhë më. Më mirë të humbas një ndeshje, sesa të humbas dinjitetin tim. Nuk ka demokraci në dhomat e zhveshjes. Ka rregulla”, ka thënë trajneri Gattuso
Emir Sahiti ka kontratë deri në vitin 2026 më Hajdukun e Splitit. Vlera e tij në sajtin “Transfermarkt” është plotë 2.3 milionë euro./Indeksonline/
