Podujevë: Hapet edicioni i tretë i Panairit të Librit

“Ditët e Diasporës” kanë hapur edicionin e tretë të Panairit të Librit-Podujeva 2024.

Në këtë Panair që po mbahet në kuadër të Manifestimit “Ditët e Diasporës” po marrin pjesë disa shtëpi botuese.

Në ceremoninë hapëse ishte kryrtari i Podujevës, Shpejtim Bulliqi, i cili uroi organizatorin dhe shtëpitë botuese për mundësinë që ua kanë ofruar qytetarëve të Podujevës e në veçanti bashkatdhetarëve për të blerë libra të ndryshëm.

Panairi do të qëndrojë i hapur deri të dielën më 4 gusht, ku lexuesit pasionantë mund të vizitojnë dhe të furnizohen me libra të ndryshëm.