Raportohet për kolona kilometërshe në pikëkalimin kufitar për të hyrë në Kosovë
Në pikëkalimin kufitar Kullë, që lidh Kosovën dhe Malin e Zi, raportohet për kolona kilimetërshe në hyrje për në Kosovë.
Një sinjalizues për Sinjalin tha se ata janë duke pritur që tre orë në kolonë duke u afruar deri në 1 kilometër kufirit me Malin e Zi.
Sipas tij, problemi nuk qëndron te Policia e Malit të Zi, por te ajo e Kosovës, duke aluduar në numrin e vogël të zyrtarëve policorë që po i kryejnë kontrollet në hyrje dhe dalje.
Të njëjtit thonë se nga kufiri i Malit të Zi e deri te ai i Kosovës, te “zona tampon” është rreth katër kilometra, duke shtuar se me këtë ritëm, ata do të jenë të ‘bllokuar’ me orë të tëra deri në hyrje të Kosovës.
Ndërkohë sipas përditësimit të Qendrës Kombëtare për Menaxhim Kufitare, nuk raportohet për kolona të gjata, dhe ato më të gjata janë te “Dheu i Bardhë”, ku sipas përditësimit janë deri në 500 metra.
