Erëra të fuqishme dhe shi i rrëmbyeshëm

Rrebeshe lokale të shiut me vetëtima, bubullimë dhe mundësi për breshër u paralajmëruan për sot pasdite në disa vende të Kosovës, raporton Gazeta Sinjali.

E qyteti i Mitrovicës duket se është kapluar nga diçka e tillë, ku raportohet për shi të rrëmbyeshëm dhe erëra të fuqishme.

Sinjalizues të Sinjalit kanë dërguar pamje nga Mitrovica, afër Urës së Ibrit, ku sipas gjendjes momentale po mban mot tejet i ligë.

Për pasdite u parapanë rrebeshe lokale shiu me vetëtima dhe bubullimë edhe në gjysmën veriore të Shqipërisë, pjesë të Maqedonisë së Veriut, Luginë së Preshevës dhe në veri të Malit të Zi.