Ksamil, 38-vjeçari gjendet i vdekur në mes të shkëmbinjve

Një 38-vjeçar nga Tirana është gjetur pa jetë sot në shkëmbinjtë e “Gjirit të Barxhos”, në Ksamil.

Sipas informacioneve paraprake dyshohet se i riu me inicialet F. K., është mbytur aksidentalisht si pasojë e një arresti kardiak.

38-vjeçari dyshohet se kishte dalë për lundrim me një mjet kanoe dhe ka qenë duke bërë zhytje në këtë zonë, informoi sot policia.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.