Mickoski: Më vjen keq për incidentin, herën tjetër Osmanin do ta shoqëroj personalisht

Incidenti që i ndodhi presidentes Vjosa Osmani në aerportin e Shkupit, ishte po ashtu temë e diskutimit mes dy kryeministrave, atij të Kosovës Albin Kurtit dhe Maqedonisë së Veriut, Hristijan Mickoskit.

Ky i fundit në një konferencë për media tha se i vie keq për atë që ka ndodhur.

“Jam ofruar edhe unë personalisht. Herën e ardhshme, kur zonja presidente e Kosovës të udhëtojë dhe të shfrytëzojë shërbimet e Aerportit të Shkupit, ta shoqërojë atë deri në momentin kur ta braktisë dhe ta largohet nga aeroporti i Shkupit”, tha Mickoski gjatë konferencës.