Fillon kampi me të rinj të Podujevës

Në kuadër të Manifestimit “Ditët e Diasporës” sot ka nisur Kampi dyditësh me një grup të rinjsh të Podujevës.

Ky aktivitet që sot është mbajtur në fshatin Orllan, ka ofruar një përvojë të jashtëzakonshme për këta të rinj, të cilët sot e kanë pasur mundësinë ta shijojnë kayakimin në Liqenin e Batllavës dhe lojë në volejboll.

Ndërkohë që edhe nesër do të vazhdojnë aktivitetet tjera që rrisin aftësimin dhe ndërgjegjësimin në çështje të rëndësishme shoqërore dhe mjedisore.

Kampi është organizuar në kuadër të Programit Rajonal për Demokracinë Lokale në Ballkanin Perëndimor 2 (ReLOaD2), është financuar nga Bashkimi Evropian (BE) dhe po zbatohet nga Programi i Kombeve të Bashkuara për Zhvillim (UNDP) në partneritet me Komunën e Podujevës.