Mijëra mërgimtarë në takim me kryeministrin Kurti

Lëvizja Vetëvendosje ka organizuar takim me mërgimtarë në Taukbahçe të Prishtinës.

Në këtë takim ka marrë pjesë edhe Kryeministri i Kosovës, Albin Kurti.

Më poshtë postimi i VV-së:

Shumë bashkatdhetar në takimin e Lëvizjes me Mërgatën!

Me një pjesëmarrje të lartë si asnjëherë më parë mbajtëm pritjen e përvjetshme për mërgatën.

Shumë simpatizantë, anëtarë, aktivistë e bashkatdhetarë u ritakuan në parkun e Taukbahçes.

Punët e mira të qeverisjes po vazhdojnë edhe në vitin e katërt të këtij mandati. Disa prej tyre, në veçanti ato që lidhen drejtpërdrejt me mërgatën, i kujtoi Kryeministri Albin Kurti në fjalën e tij, ku mes tjerash theksoi se asnjë shtet në botë e rajon nuk e ka një mërgatë si Kosova.

Një mërgatë kaq shumë të lidhur me vendlindjen e me vullnet për të kontribuuar në ndërtimin dhe prosperimin e tij.

Kosova, Mërgata, Lëvizja, bashkë për ndryshimet që i synojmë e të cilat na duhen. Bashkë në rrugën drejt zhvillimit dhe prosperimit si shoqëri dhe si shtet.