Podujevë: Fillon fushata ‘Ditët e Mjedrës’

Për ta shënuar fushatën ‘Ditët e Mjedrës’, Kryetari i Podujevës, Shpejtim Bulliqi dhe Ministri i Bujqësisë, Faton Peci morën pjesë tek pika grumbulluese e pemëve të imëta në Balloc.

Kryetari Bulliqi ka thënë që këtë vit prodhuesit e këtij fruti i kanë ndihmuar me fidane.

Më poshtë postimi i Bulliqit:

Ka filluar fushata “Ditët e Mjedrës”

Për të shënuar fushatën “Ditët e Mjedrës” mora pjesë në organizimin e Shoqatës “Mjedra e Kosovës” tek pika grumbulluese e pemëve të imëta “Joni-SH” në Balloc.

Këtu ishim bashkë me Ministrin e Bujqësisë z.Faton Peci, Ambasadorin e Austrisë në Kosovë z.Gerog Schnetzer, Përfaqësues nga projekti EREA, Shoqata “Mjedra e Kosovës”, fermerë llapjanë e përfaqësues të pikave grumbulluese të pemëve të imëta.

Kultivimi i pemëve të imëta, siç është mjedra, përveçqë sjell të ardhura për familjet llapjane ajo edhe po e rrit punësimin.

Në kuadër të ndarjes së subvencioneve që i japim çdo vit për sektorin e bujqësisë, prodhuesit e këtij fruti manor i kemi ndihmuar me fidane, por edhe në forma të tjera.

Ne si Komunë u gëzohemi sukseseve të fermerëve, posaçërisht në prodhimin e mjedrës, pasi Komuna e Podujevës edhe njihet për kultimivimin e këtij fruti dhe njihet si komunë e mjedrës.

Urime kjo fushatë të gjithë fermerëve dhe ju shkoftë puna mbarë e me bereqet!