Sherri nisi për krevatin, detaje nga vrasja në shtëpinë e të moshuarve në Tiranë

Një sherr për krevatin është bërë shkak për tragjedinë që ka ndodhur në një shtëpi private për të moshuarit në Tiranë.

Mësohet se ngjarja ka ndodhur rreth orës 04.00 të mëngjesit të sotëm kur 78-vjeçari, Zyhdi Shehu nisi t’i kërkonte llogari shokut të tij të dhomës, Virxhil Vesho se “përse i kishte zënë krevatin.”

Shehu dyshohet se e ka qëlluar 82-vjeçarin disa herë me bastun, në disa pjesë të trupit duke e lënë për pasojë të vdekur në vend, raporton A2Cnn.

Mësohet se të dy të moshuarit janë me sklerozë. Autori i dyshuar qëndronte në azilin privat prej një viti, kurse viktima prej katër vitesh. 78-vjeçari Zyhdi Shehu është vënë në pranga pas ngjarjes së rëndë.