Sherr mes shqiptarëve në Itali, vritet me thikë në zemër 38-vjeçari

Një 38-vjeçar shqiptar është goditur me thikë në Itali duke mbetur i vdekur. Ngjarja ka ndodhur në zonën e Riminit në provincën e Pesaro Urbinos.

Viktima i identifikuar si Dritan Idrizi ka marrë të paktën tre goditje, përfshirë një goditje pranë zemrës dhe një në bark. Ai ndërroi jetë në spitalin Cattolica, ku ishte transportuar për t’u shpëtuar plagëve, por nuk arriti të mbijetonte.

Sipas policisë dhe prokurorisë italiane, gjithçka ka lindur nga një debat me një shqiptar tjetër, i cili  banonte në rajonin e Marche.

38-vjeçari kishte shkuar me shokët e tij i pajisur me shkopinj dhe hekura për të larë hesapet me një familje tjetër me origjinë shqiptare, ndërsa mendohet se kërkonte 5 mijë euro nga puna e tij në ndërtim.

Ndërkaq, të tjerët kanë mbetur të plagosur, ndërsa karabinierët e Pesaros po shqyrtojnë akuzat për vrasje, tentativë vrasje dhe plagosje të rëndë.