Zjarr afër Aeroportit në Prishtinë – 20 vetura të përfshira nga flakët

Një zjarr masiv i shfaqur orët e mesnatës afër Aeroportit Ndërkombëtar të Prishtinës ka shkaktuar dëme të mëdha materiale, duke lënduar edhe një person.

Sinjalizues të Sinjalit kanë dërguar pamje nga vendi i ngjarjes, ku shumë njerëz shihen duke tentuar që ta shuajnë zjarrin.

E Policia e ka konfirmuar rastin, ku ka dhënë më shumë detaje.

Sipas zëdhënëses së Policisë për rajonin e Prishtinës, Flora Ahmeti, nga zjarri kanë qenë të përfshira 20 vetura të parkuara dhe një objekt biznesi që merret me qiradhënie veturash.

Gjithashtu një person është lënduar teksa janë shkaktuar dëme materiale.

“Sot rreth orës 01:30, kemi pranuar informatën për një incident zjarri në afërsi të Aeroportit të Prishtinës. Nga zjarri janë përfshirë 20 vetura të parkuara dhe një objekt biznesi që merret me qiradhënje veturash. Në këtë rast është lënduar një person dhe janë shkaktuar dëme materiale” , ka thënë ajo.

Ahmeti bëri me dije se personi i lënduar është dërguar për tretman mjekësor.

E pas lokalizimit të zjarrit, hetuesit policor në koordinim me institucionet përkatëse Ahmeti tha se po kryejnë hetimet rreth rastit i cili është cilësuar si shkaktim i rrezikut të përgjithshëm.