LAJMI I FUNDIT: Shpërthen një mjet në oborr, lëndohen dy persona (FOTO)

Një rast i rëndë ka ndodh sonte në oborrin e një shtëpie në Pejë. Atje ka shpërthyer një mjet, si pasojë e të cilit janë lënduar dy persona, raporton ekskluzivisht Gazeta Sinjali.

Siç mëson Gazeta Sinjali nga burimet e saja, rasti ka ndodh sonte rreth orës 20:00 në lagjen Jarin, në rrugën Halil Agusholli.

Si pasojë e shpërthimit janë lënduar dy persona, të cilët sipas informatave të para kanë marrë një mjet në dorë i cili më pas ka plasur.

Të lënduarit sipas burimeve të Gazetës Sinjalijanë dërguar në spitalin e qytetit ku edhe kanë marrë intervenimin e duhur mjekësor.

Më pas viktimat janë dërguar për trajtim të mëtutjeshëm në Qendrën Klinike Universitare të Kosovës.

Si pasojë e shpërthimit është dëmtuar edhe një veturë.

Ndërkohë, njësitet relevante të Policisë menjëherë pasi kanë pranuar informatën kanë dalë në vendin e ngjarjes dhe kanë kryer hetimet e para për rastin.