Policia jep detaje për therjen e dy personave në Prishtinë
Para pak minutash në Prishtinë, dy persona janë therur nga një mjet i mprehtë nga një person tjetër.
Lajmin për Insajderin e ka konfirmuar zëdhënësja e policisë për rajonin e Prishtinës, Flora Ahmeti.
“Sot rreth orës 21 :20, kemi marrë informatën për një lëndim trupor të ndodhur në rrugën “Luan Haradinaj” në Prishtinë Bazuar në të dhënat fillestare, në këtë rast nga një mjet i mprehtë janë lënduar dy persona”, tha Ahmeti për Insajderin.
Më tutje ajo ka thënë se të lënduarve u është ofruar trajtim mjekësor, ndërkohë që policia ka nisur një hetim lidhur me rrethanat e këtij rasti.
“Lidhur me rastin në fjalë është identifikuar një person i dyshuar i cili është në kërkim nga ana e policisë”, ka thënë Ahmeti.
