Haradinaj: Heronjtë e Llapit kanë hise të madhe në lirinë e Kosovës

Kryetari i AAK-së, Ramush Haradinaj së bashku me Besnik Tahirin dhe disa antarë tjerë të AAK-së ishin gjatë ditës së djeshme në Podujevë.

Haradinaj tha se për lirinë e Kosovës hise të madhe kanë heronjtë e Llapit.

Më poshtë postimi i tij:

Heronjtë e Llapit kanë hise të madhe në lirinë e Kosovës

I gjatë është vargoji i heronjve e dëshmorëve llapjanë, që i kanë dhënë vlerë kësaj nahije e krejt Kosovës.

Që nga Adem Demaçi, disidenti më i madh i historisë së re të Kosovës, Zahir Pajaziti, Ilir Konushevci, Hakif Zejnullahu, Ali Ajeti e shumë të tjerë, por edhe burra nga rajone të tjera si Edmond Hoxha, që tashmë janë ngritur në altarin e lavdisë shqiptare, e llapjanët i kanë derdhur në bronz.

Nderimi e përkulja para lapidarëve të tyre, të le pa frymë e të jep forcë që Kosovën ta bëjmë ashtu siç ata e kishin ëndërruar, të lirë, të pavarur e të panënshtrueshme.

Kujtimin për këto kohë lavdie e filluam në një bashkëbisedim me luftëtarë e familjarë të dëshmorëve.