LAJMI I FUNDIT: Dyshohet për të plagosur në Prishtinë
Një gjuajte me armë dyshohet se ka ndodh sonte në Prishtinë, si pasojë e të cilës dyshohet se ka edhe të plagosur, raporton Gazeta Sinjali.
Mësohet se përleshja mes dy grupeve e cila ka përfunduar me shkrepje të armëve ka ndodhur afër pjesës së njohur si Tregu i Gjelbër, në rrugën “Lidhja e Prizrenit”.
Ndërkohë, në vendin e ngjarjes janë duke qëndruar njësitë policore.
Njëri nga të lënduarit mësohet se është dërguar me autoambulancë për trajtim mjekësor.
Ndërkaq, lidhur me rastin është arrestuar një person.
