Fondacioni Besëlidhja ndihmon nxënësit jetimë dhe nevojtarë me pajisje shkollore

Fondacioni Besëlidhja ka nisur një fushatë për të ndihmuar nxënësit jetimë dhe nevojtarë me pajisje shkollore, duke i dhënë një dorë të rëndësishme në përgatitjen për vitin e ri shkollor.

Me synimin për të lehtësuar barrën financiare të familjeve në nevojë, fondacioni ka shpërndarë materiale të nevojshme si çanta, libra, dhe mjetet e tjera të domosdoshme për arsim.

Kjo nismë solidariteti ka marrë përkrahje të gjerë nga komuniteti, duke treguar se bashkëpunimi mund të bëjë një ndryshim të madh në jetën e fëmijëve të prekur nga vështirësitë ekonomike.

Më poshtë postimi i Fondacionit Besëlidhja:

Me fillimin e procesit mësimor afër, Fondacioni “Besëlidhja” ka vendosur të përkrahë nxënësit jetimë dhe nevojtarë, duke kontribuar për një fillim më të mbarë të vitit shkollor. Nga ky aktivitet kanë përfituar 70 nxënës.

Nxënësit e klasave I-V kanë përfituar:
– 1 çantë
– 5 fletore të gjuhës shqipe
– 2 fletore të matematikës
– 1 bllok vizatimor
– 5 lapsa
– 2 goma

Nxënësit e klasave VI-X kanë përfituar:
– 10 fletore të gjuhës shqipe
– 2 fletore të matematikës
– 1 bllok vizatimor
– 5 stilolapsa

Allahu i shpërbleftë të gjithë kontribuuesit që bënë të mundur realizimin e këtij projekti.

Le të vazhdojmë së bashku në përkrahjen e këtyre fëmijëve dhe të ardhmes së tyre!