E dhimbshme: Ky është çifti që vdiq tragjikisht pas vetaksidentit

E enjtja ishte ditë e kobshme për familjen Tora. Çifti Bekim dhe Shehide Tora humbën jetën tragjikisht në një aksident trafiku që ndodhi në magjistralen Prishtinë-Pejë, konkretisht në Sllatinë, raporton Gazeta Sinjali.

Shoferi i veturës, Bekimi, humbi jetën në vendin e ngjarjes, ku edhe u konstatua vdekja, ndërsa gruaja e tij nuk arriti të mbijetojë dhe vdiq në QKUK.

Nga Policia e kanë konfirmuar rastin dhe kanë bërë me dije se përveç çiftit të vdekur, edhe dy gra kanë mbetur të lënduara.

“Ka ndodhur një vet-aksident trafiku ku një veturë me targa vendore të cilën e drejtonte një mashkull kosovar, dyshohet se si pasojë e mos përshtatjes së shpejtësisë së lëvizjes, humb kontrollin e automjetit dhe përfundon jashtë rrugës e rrokullisur. Lidhur me rastin ekipi mjekësor ne vendin e ngjarjes ka konstatuar vdekjen e drejtuesit të automjetit, po ashtu si pasojë e aksidentit lëndime trupore kanë pësuar edhe tri femra kosovare, ku njëra ka ndërruar jetë në QKUK  Prishtinë. Në vendin  e ngjarjes kanë dalur të gjitha njësitet përkatëse dhe prokurori. Trupat e pajetë  me vendim të prokurorit dërgohen në IML për obduksion”.