Interesim i jashtëzakonshëm për Kosovë-Rumani, shiten të gjitha biletat

Federata e Futbollit e Kosovës ka njoftuar se të gjitha biletat për ndeshjen e shumëpritur Kosovë – Rumani janë shitur.

FFK-ja ka falënderuar qytetarët për “mbështetje të jashtëzakonshme dhe entuziazmin tuaj të pafund”.

“Jemi të lumtur që stadiumi ‘Fadil Vokrri’, si gjithmonë, do të jetë i mbushur me energji dhe pasion për të mbështetur Dardanët tanë”, ka shkruar FFK-ja.

Kosova, më 6 shtator do të luajë kundër Rumanisë në “Fadil Vokrri” me fillim nga ora 20:45. /Klankosova.tv