Kryetari Bulliqi e quan Ekrem Hysenin mjeran politik

Sot është bërë përurimi i shtatores së Ibrahim Rugovës në qytetin e Podujevës.

Kryetari Bulliqi në një postim të gjatë në facebook ndër të tjerash e ka quajtur Ekrem Hysenin mjeran politik.

Më poshtë postimi i Bulliqit:

Është për të ardhur keq, por nuk është e papritur që një person si Ekrem Hyseni i cili ka humbur orientimin politik, përpiqet të më përbaltë mua në një moment kaq të rëndësishëm për qytetin tonë siç ishte përurimi i shtatores së Presidentit, Dr. Ibrahim Rugova.

Në këtë moment ai dhe partia e tij duhet të ndjehen të turpëruar që për 20 vjet në pushtet nuk arritën ta nderojnë asnjëherë Presidentin Rugova, por e keqpërdorën gjithmonë figurën dhe personalitetin e tij për përfitime elektorale.

Ekrem Hyseni si një mjeran politik që s’dinë nga të kapet nuk është në gjendje të kuptojë se respekti dhe nderimi për një figurë si Dr. Ibrahim Rugova shkon përtej interesave të ngushta personale.

Në përfundim, dua t’ju kujtoj të gjithëve se historia nuk shkruhet nga ata që ulërasin më shumë, por nga ata që punojnë për të mirën e përbashkët, si dhe që dinë t’i nderojnë figurat meritore në historinë e lavdishme të Kosovës.