Sot Kosova përballet me Qipron

Kosova sot në ora 18:00 do të përballet me Qipron në ndeshjen e dytë të Ligës së Kombeve.

Kosova në ndeshjen e parë u mposhtë nga Rumania me rezultat 0-3, ndeshje kjo e cila u zhvillua në stadiumin ‘Fadil Vokrri’, në Prishtinë.

Pas humbjes me Rumaninë, Kosovës i doli në ‘shesh’ një skandal i madh, tre lojtarë të Kombëtares Dardane ishin deri në orët e vona në një klub nate në Prishtinë.

FFK-ja menjëherë mori masa duke përjashtuar nga grumbullimi Zhegrovën, Muriçin dhe Muslijën.

Pra, sonte Kosova do të jetë pa këta 3 lojtarë. Madje nuk dihet nëse edhe Vedat Muriqi është i gatshëm, për shkak të një lëndimi që pësoi në ndeshjen ndaj Rumanisë.

Ndeshjen Kosovë – Qipro mund ta shikoni sot në ora 18:00, live në RTK 1.