Hoti: Zero transparencë për shpenzimet e taksave të qytetarëve

Ish-kryeministri Avdullah Hoti ka thënë se vendi ka zero transparencë për shpenzimet e taksave të qytetarëve.

Në një postim në Facebook, ai ka potencuar se asnjëherë nuk ka marrë përgjigje për pyetjen parlamentare se ku janë shpenzuar 520 milionë euro për ndërmarrjet publike në vitet 2021-2023.

“Herën e fundit që kam bërë pyetje parlamentare me shkrim ka qenë më 17 korrik 2023. Asnjëherë nuk kam marrë përgjigje”.

“Kurrë nuk ka pasur kaq shumë shpenzime për ndërmarrje publike. Ndalja e ‘gjakderdhjes financiare’ ka qenë mashtrim”.

“Transparenca lidhur me shpenzimin e taksave të qytetarëve është obligim kushtetues. Këtij obligimi nuk mund t’i iket. Vjen një ditë kur duhet dorëzuar mandatin tek tjetri”, ka thënë Hoti. /Klankosova.tv