Dyshohet për therje me thikë në Prishtinë
Një incident dyshohet se ka ndodhur pasditen e sotme në rrugën “Ismail Dumoshi” në Prishtinë, ku një person ka mbetur i lënduar, raporton Gazeta Sinjali.
Sipas informacioneve të para, dyshohet se bëhet fjalë për therje me thikë, për çka ambulanca tashmë ka dalë në vendin e ngjarjes.
Edhe njësitë përkatëse kanë intervenuar në vendin e ngjarjes dhe po kryhen ekzaminimet e nevojshme.
Sinjali ka kontaktuar Policinë e Kosovës dhe do t’iu mbajë të informuar për rastin.
