Fillojnë punimet në rrugën Kërpimeh – Bajgorë – Mitrovicë

Sot kanë filluar punimet në rrugën Regjionale R129 Mitrovicë – Bajgorë – Kërpimeh.

Në këtë ceremoni ishin prezent ministri Liburn Aliu, së bashku me zv/ministri Hysen Durmishi, deputeti Armend Muja, Hysen Muzliukaj dhe zyrtarë tjerë nga VV.

Ky projekt ka vlerën e 3.8 milionë eurove, përfshin një plan pune të strukturuar dhe dinamik që pritet të përfundojë brenda 152 ditëve pune.

Puna e organizuar dhe intensive në këtë rrugë synon përmirësimin e infrastrukturës rrugore, duke rritur standardet e transportit, sigurinë e udhëtarëve dhe cilësinë e jetesës për banorët e zonës.

“Ndërhyrja e rëndësishme në infrastrukturën rrugore të kësaj zone shënon një hap të madh drejt përmirësimit të kushteve të jetesës për qytetarët e Mitrovicës, Bajgorës dhe më gjerë, duke ofruar një rrugë më të sigurt, më të shpejtë dhe më të rehatshme për të gjithë përdoruesit” shkruhet në komunikaten e VV-së.