Partia Fjala merr pjesë në zgjedhje

Partia Fjala do të marrë pjesë në zgjedhjet parlamentare të 9 shkurtit. Këtë e ka konfirmuar për IndeksOnline, kreu i këtij subjekti, Gëzim Kelmendi.

Ky i fundit ka bërë me dije se nuk janë duke biseduar me asnjë subjekt politik dhe se në zgjedhje do të konkurojnë si subjekt i vetëm me kandidatët e saj për deputet.

“Partia FJALA do të garoi e vetme si subjekt politik me kandidatët e saj për deputet. Aktualisht jemi duke punuar në përzgjedhjen e kandidatëve për deputet”, ka thënë Kelmendi.

Kryetari i partisë Fjala për dy mandate ishte deputet i Kuvendit të Kosovës. Ky subjekt ishte themeluar në vitin 2015.

Nga një shtatori deri më 11 dhjetor të këtij viti partitë mund të bëjnë kërkesat e tyre për t’u certifikuar për pjesëmarrje në zgjedhjet për Kuvendin e Kosovës. Poashtu deri më 11 dhjetor duhet të dorëzohen edhe listat e kandidatëve për deputetë nga të gjitha subjektet politike./IndeksOnline/