Filloi faza e tretë e dhënies së mëshqerrave për fermerë

Në kuadër të projektit “Përkrahja me mëshqerra” sot Komuna e Podujevës përmes Drejtorisë së Bujqësisë, Pylltarisë dhe Zhvillimit Rural ka filluar faza e tretë të dhënies së mëshqerrave barrëse për fermerë. Sot janë dhënë 36 fermerë përfitues.

Drejtoresha e Bujqësisë, Pylltarisë dhe Zhvillimit Rural, Lirie Hoti, i uroi fermerët përfitues dhe premtoi se ndihma e Komunës për fermerë do të vazhdojë.

“Komuna e Podujevës do të jetë gjithmonë në mbështetje të fermerëve me qëllim që të rrisin kapacitetet e tyre prodhuese dhe në të njëjtën kohë kjo do të ndikojë edhe në mirëqenien e familjeve të tyre”, theksoi drejtoresha Hoti.

Para se t’u jepen fermerëve, është bërë peshimi i lopëve, në mënyrë që gjithçka të jetë në përputhje me kriteret e kërkuara.