Flaka Loxha fiton medaljen e bronztë

Xhudistja kosovare, Flaka Loxha, ka fituar medaljen e bronztë në ”Grand Prix Zagreb”, në kategorinë deri në 57 kg.

Ky ishte suksesi i madh në karrieren e saj, medalja e saj e parë në këtë nivel të Kupave Botërore, shkruan IndeksOnline.

Në ndeshjen për vendin e tretë, Loxha e mposhti kroaten Tihea Topolovec.

Ajo në xhiron e parë ishte e lirë, në xhiron e dytë ajo mposhti me Ippon, japonezen Hiyori Koga.

Loxha në çerekfinale mposhti në vazhdime me tri dënime për Ippon, garuesen nga Izraeli Maya Leopold.

Në gjysëmfinale ajo u takua me kroaten Ana Viktorija Puljiz, rezultati ishte baraz në vazhdime me nga një Wazaari dhe me nga dy dënime, pastaj Flaka u dënua prapë dhe humbi me tri dënime për Ippon./IndeksOnline/