Pronari i “Arditi Tours” e raporton punëtorin në Polici, thotë se ia vodhi rreth 10 mijë euro të pazarit ditor

Punëtori i kompanisë së autobusëve “Arditi Tours” nga Ferizaj është denoncuar në Policinë e Kosovës pasi ka marrë një shumë të parave nga biznesi ku punon. Të dyshuarin e ka raportuar shefi i tij, i cili ka deklaruar se punëtori ia ka marrë pazarin ditor dhe është larguar nga aty.

Siç mëson Gazeta Sinjali, rastin e ka raportuar pronari i kompanisë së autobusëve që operon në Kosovë dhe jo vetëm.

Drejtuesi i “Arditi Tours”, ka thënë se punëtori i tij, me prejardhje nga Shqipëria, ia ka vjedh rreth 10 mijë euro para të gatshme, para këto që ishin të pazarit të ditës.

Ndërsa, siç mëson Gazeta Sinjali, dyshohet se paratë janë vjedhë prej zyrës së pronarit.