Jasharaj deklarohet pas takimit me presidenten

Pas takimit me presidenten e Kosovës Vjosa Osmani, kryetari i SBASHK-ut Rrahman Jasharaj, tha se i kanë paraqitur kërkesat tashmë të njohura, e të cilat edhe sipas saj janë legjitime.

“Ne kërkuam nga ajo që të ndikoi tek qeveria dhe të ulemi me zyrtarët e qeverisë, shuma prej 50 eurove nuk është e kënaqshme dhe ata duhet të ulen e bisedojnë me ne dhe deri në miratimin e Ligjit të Pagave të ndahen nga 100 euro”, tha Jasharaj.

Ai shtoi se presidentja premtoi se do të angazhohet edhe për heqjen e kriterit të stazhit të punës prej 15 vitesh dhe pensionistët të gëzojnë ato.