E dhimbshme: Personi që vdiq është 40 vjeçar
40-vjeçari që u plagos mëngjesin e sotëm në qendër të Mitrovicës, ka humbur jetën në Qendrën Klinike Universitare të Kosovës. Viktima nuk ka arritur t’iu mbijetojë plagëve të marra nga arma e zjarrit.
Lajmin për vdekjen e tij e ka konfirmuar zëdhënësi i QKUK-së, Shpend Fazliu.
“Zyra për informim e QKUK-së, ju konfirmon se përkundër përpjekjeve maksimale nga stafi i Klinikës Emergjente, një person i plagosur në Mitrovicë, nuk ka arritur të mbijetojë, për shkak të plagëve që ka pasur dhe gjendjes së rënduar shëndetësore”, ka potencuar ai.
Lajmin për plagosjen e 40-vjeçarit e kishte konfirmuar edhe Policia e Kosovës.
“Sot, rreth orës 09:42, në Mitrovicë, është raportuar për një person të lënduar nga arma e zjarrit. Rasti ka ndodhur në rrugën ‘Fatime Hetemi’ në Mitrovicë. I plagosuri viktima i moshës madhore është dërguar për tretman mjekësor”, ka thënë zëdhënësi i Policisë për rajonin e Mitrovicës, Avni Zahiti.
