Po ndërtohet rruga lidhëse Podujevë – Prishtinë me rrugën ‘Vëllezërit Frashëri’

Po vazhdojnë punimet për ndërtimin e rrugës lidhëse nga magjistralja Podujevë-Prishtinë me rrugën “Vëllezërit Frashëri”. Sipas informacioneve nga kryetari i komunës, Shpejtim Bulliqi, ky projekt po realizohet sipas planit dinamik të parashikuar.

Ndërtimi i kësaj rruge është një projekt i rëndësishëm për lehtësimin e qarkullimit të automjeteve në hyrje dhe dalje të qytetit, duke ofruar një alternativë të re dhe më efikase për lëvizjen e lirshme dhe të shpejtë.

“Kjo rrugë e re do të përmirësojë ndjeshëm komunikacionin në qytet dhe do të shërbejë si një lidhje strategjike për qytetarët,” tha Bulliqi, duke theksuar se ky është vetëm një nga projektet që synon përmirësimin e infrastrukturës lokale.

Podujeva Sot do të vazhdojë të informojë qytetarët mbi zhvillimet e mëtejshme të këtij projekti.