Shpërndahen mekanizmat bujqësorë për 23 fermerë përfitues

Sot, Kryetari i Komunës së Podujevës, Shpejtim Bulliqi, së bashku me Drejtoreshën e Bujqësisë, Lirie Hoti, morën pjesë në shpërndarjen e mekanizmave bujqësorë për 23 fermerë përfitues.

Gjatë këtij procesi, u shpërndanë gjithsej 16 motokultivatorë me frezë, 2 makina mbjellëse misri pneumatike, 2 makina mbjellëse mekanike dhe 3 pllugjë të mëdhenj. Projekti përfshin edhe shpërndarjen e mekanizmave të tjerë në ditët në vijim.

Kryetari Bulliqi i uroi fermerët përfitues për pajisjet e reja dhe i inkurajoi të vazhdojnë me punën e tyre në bujqësi, duke theksuar mbështetjen e vazhdueshme të komunës në këtë sektor.