Të shtunën nata e madhe e boksit

Natë spektakolare e boksit. Gladiatorët shqiptar do të futen në ring për ta kërkuar lavdinë.

Më 28 shtator krejt atmosfera që do të krijohet në MHP Arena në Ludwigsburg do të transmetohet ekskluzivisht në Klan Kosova duke nisur nga ora 21:00. Trashëgimia e Junikut në boks vazhdon. Legjenda e boksit Luan Krasniqi e ka dorëzuar tani stafetën tek nipi i tij.

Ardian Krasniqi do të dalë para 5000 shikuesve në meçin kryesor përballë Saul Ivan Male në betejën për brezin WBO Intercontinental.

Por në këtë mbrëmje të madhe shqiptare nuk do të mungojnë as mysafirët special si Luan Krasniqi. Teksa për ta bërë këtë mbrëmje edhe më atraktive në ring do të ngjiten edhe tre boksier tjerë shqiptar Altin Zogaj, Eris Bajra dhe Labinot Xhoxhaj. Prandaj të shtunë nga ora 21:00 ka vetëm një adresë Klan Kosova.