Policia e konfirmon djegien e villës së Bajqinovcit në Katunishtë të Podujevës

Policia e Kosovës e ka konfirmuar djegien e villës së deputetit të Lëvizjes Vetëvendosje, Mefail Bajqinovci, në Katunishtë të Podujevë.

Lajmin për Klankosova.tv e ka konfirmuar zëdhënësja e policisë për rajonin e Prishtinës, Flora Ahemti, e cila tha se nuk raportohet për ndonjë person të lënduar.

“Aktualisht hetuesit policor në koordinim me prokurorin kanë nisë një hetim për rastin”, tha Ahmeti për Klankosova.tv.

Ndërsa, Bajqinovci për Klankosova.tv më herët tha se për djegien e villës është njoftuar nga fshatarët.