Sonte dokumentari “Banjska – fushëbeteja e një lufte” (VIDEO)

MAT është emisioni më i ri në Klan Kosova që nis së transmetuari këtë të mërkurë.

Premierë nga ora 22:00 vjen dokumentari “Banjska – fushëbeteja e një lufte”, përmes së cilit do të mund të kuptoni gjithë atë që ngjau në Zveçan më 24 shtator 2023.

Si rrodhi beteja 12-orëshe në të cilën u vra Afrim Bunjaku, e si ikën terroristët?

Materiali do të sjellë detajisht shumëçka, prej përgatitjeve të sulmit, përfshirjen e Serbisë, se si fitoheshin tenderë e kamufloheshin pronarë, deri te qëllimet e mëdha të grupit të organizuar me në krye Milan Radoiçiqin.

Në dokumentarin e MAT, flasin aktorët kryesorë të sigurisë, por edhe protagonistë të 24 shtatorit, që përmes rrëfimeve të tyre hidhet dritë mbi sulmin e një viti më parë.

Do të kuptoni gjithashtu se si iu përvodh sulmi institucioneve të inteligjencës, megjithë mosbesimin ndaj Beogradit dhe për çfarë akuzohen terroristët, por edhe a ka kërkuar FSK-ja atë ditë të shkonte në Banjskë.

MAT synon ofrimin e më shumë informacioneve, hulumtime me rrënjë, zbardhje të fakteve, ndriçim të arkivave të fshehura, zbulime të historive të dhimbshme, shpërfaqje e problematikave të heshtura, intervista të rralla, rrëfime ekskluzive dhe fenomene të papara e të padëgjuara. Emisioni MAT me detaje ekskluzive trajton edhe problematika dhe ngjarje që prekin shoqërinë. MAT do të zë në pozitën mat shumë problematikë.

Mos e humbisni, çdo të mërkurë prej orës 22:00 në Klan Kosova.