Nga e marta, FSK-ja ha bukë burgu e studentësh (VIDEO)
Nga e marta e 1 tetorit, kuzhinierët e Mensës së Studentëve do t’ua përgatisin ushqimin atyre që i ruajnë edhe studentët dhe të gjithë qytetarët kosovarë – Ushtarët e Forcës së Sigurisë së Kosovës.
Ministria e Mbrojtjes i ka huazuar 14 kuzhinierë profesionistë nga Mensa e Studentëve dhe 10 të tjerë nga Shërbimi Korrektues i Kosovës, për t’ua gatuar vaktet ushqimore afër 5000 personave, ushtarakë e staf civil, e poashtu do të angazhojë edhe 60 pjesëtarë të Forcës si staf teknik, për ta kryer shërbimin.
Klan Kosova mëson se kjo është zgjidhja emergjente e Ministrisë pas skadimit të kontratës me Operatorin Ekonomik, Beni Dona, dhe mos-pranimit të ministrit për ta nënshkruar kontratën e re të arritur mes Sekretarit të Përgjithshëm të ministrisë dhe Operatorëve Ekonomik “Hajdini Comerc” dhe “Bylmeti”.
VIDEO:
