Ngjarja e dhimbshme për familjen Murati, ky është 33-vjeçari që u gjet pa shenja jete nga vëllai i tij

Gazeta Sinjali raportoi për një ngjarje të rëndë që ka ndodhur dje, në një shtëpi në rrugën “Prelez i Jerlive” në Ferizaj, ku një 33-vjeçar është gjetur pa shenja jete.

Sinjali mëson se bëhet fjalë për Visar Muratin, vdekja e të cilit tronditi familjen, e sidomos vëllain e tij që e gjeti të shtirë në tokë dhe pa shenja jete në shtëpinë e tyre.

Vdekjen e të riut e ka konfirmuar ekipi i mjekëve që ka dalë në vendin e ngjarjes.

Ajo që dihet deri më tani është se me urdhër të Prokurorit të Shtetit, është iniciuar rasti “Hetim mbi vdekjen” për t’u zbardhur rrethanat në të cilat ka ndodhur ngjarja.