Mamografia është falas edhe këtë vit në Podujevë
Muaji Tetor shënon ndërgjegjësimin për kancerin e gjirit, duke vënë theksin te parandalimi dhe zbulimi i hershëm.
Mamografia do të jetë falas edhe këtë vit në Podujevë.
Më poshtë postimi i kryetarit Bulliqi:
Mamografia është falas edhe këtë vit në Qendrën Kryesore të Mjekësisë Familjare në Podujevë. Ftojmë të gjitha gratë, veçanërisht ato mbi 40 vjeç, të përfitojnë nga kjo mundësi.
Të gjithë mund të japim kontributin tonë në këtë luftë, duke mbështetur gratë që përballen me këtë sëmundje dhe duke inkurajuar kontrollet e rregullta për një shëndet më të mirë.
Në hyrje të objektit të komunës kemi vendosur banerin me pyetjen që duhet t’i bëhet secilës grua: “A e keni bërë mamografinë këtë vit?”
