Ahmeti: Politikanët në Kosovë ose po e gënjejnë popullin, ose veten

Ish-kryetari i Prishtinës, Shpend Ahmeti është shprehur se spektri politikë, ose po gënjen popullin, ose veten.

Kështu shprehet ai pas situatave të fundit në Kosovë, dhe rrugëtimit të saj drejt Perëndimit, njofton Klankosova.tv.

“Në qoftë se nuk duam të hyjmë në Bashkim Evropian e as në NATO, po more po i çojmë krejt ku nuk duhet, edhe po iu themi hiç mos na hajdeni më, nuk jena as të interesuar të flasim, dhe kjo është ajo që nuk e kuptoj, a janë duke e rrejt popullin, a janë duke e rrejt veten? E kam fjalën për të gjithë spektrin politikë, pse po shitën patriotë”, tha Ahmeti në “DPT te Fidani”.

“Këtu janë dy opsione, po Asociacioni, ose le të themi po rrimë kështu ku jemi, po mbrohemi me këto forca që i kemi edhe nuk po na ndjen më për asgjë”.