Bulliqi: Mbi 50 anëtarësime të reja në VV në Podujevë

Kryetari i Podujevës, Shpejtim Bulliqi ka thënë që në Lëvizjen Vetëvendosje në Podujevë janë bërë mbi 50 anëtarësime.

Më poshtë postimi i tij:

Mbi 50 anëtarësime të reja në Lëvizjen VETËVENDOSJE! në Podujevë

Mbi 50 të rinj dhe të reja iu bashkuan sot Lëvizjes Vetëvendosje! në Podujevë, duke i dhënë një shtysë të re energjisë dhe përkushtimit tonë për betejat politike që kemi përpara. Ky angazhim i ri na motivon për të vazhduar me më shumë vendosmëri punët dhe projektet në shërbim të qytetarëve.

Lëvizja Vetëvendosje! është alternativa e vetme që përfaqëson dhe mbron me dinjitet interesat e të rinjve, duke iu ofruar hapësira dhe mundësi për t’u zhvilluar e për të dëshmuar aftësitë e tyre në të gjitha fushat. Së bashku, jemi më të fortë për të ndërtuar një të ardhme më të mirë e më të zhvilluar për Podujevën dhe Kosovën.

I përgëzoj Rininë për Vetëvendosje (RVV) për punën dhe angazhimin e tyre për anëtarësimet e reja!