Bajrami: Rritja e pensioneve dhe pagave në kohë fushate është tentativë me ble vota

Deputetja e Lidhjes Demokratike të Kosovës (LDK), Hykmete Bajrami, ka thënë se rritja e pensionevedhe pagave në kohë të fushatës elektorale, sipas saj, është tentativë për për të blerë vota dhe skemë e korrupsionit publik.

Reagimi i saj vjen pas vendimit të qeverisë më 07.10.2024 për rritjen prej 20 për qind të pensioneve për disa skema pensionale.

Kryeministri i Kosovës, Albin Kurti tha se janë rritur pensionet prej 20 për qind për pensionin bazik, kontributdhënësit, personat me aftësi të kufizuara, personat paraplegjikë dhe tetraplegjikë e personat e verbër, invalidor i punës dhe për ish-punëtorët e Trepçës

“Nëse Albini Kurti e Hekuran Murati do të brengoseshin për qytetarë, ata pensionet dhe pagat do t’i indeksonin për normën e inflacionit që në vitin 2022, por kjo nuk ndodhi sepse atëherë nuk kishte zgjedhje. Rritja e pensioneve sot 20%, nuk është e mjaftushme sepse vetëm norma e inflacoionit që ka ndodhë gjatë qeverisë Kurti është 22%” – ka shkruar deputetja Bajrami.