Vazhdojnë punimet në Xhaminë Qendrore në Prishtinë

Sot, Kryetari i Bashkësisë Islame të Kosovës, Myftiu Naim ef. Tërnava, së bashku me sekretarin e Kryesisë, Ahmet ef. Sadriu, vizituan punishten e Xhamisë Qendrore në Prishtinë.

Gjatë vizitës, Myftiu Tërnava u njoh nga afër me progresin e punimeve që janë kryer deri më tani në ndërtimin e kësaj xhamie, e cila pritet të ketë një rëndësi të madhe për komunitetin islam në kryeqytet.

Ai u shpreh i kënaqur me ritmin dhe cilësinë e punimeve, duke falënderuar të gjithë ata që po kontribuojnë në realizimin e këtij projekti të madh.

Xhamia Qendrore në Prishtinë është një nga projektet më të rëndësishme fetare në Kosovë dhe pritet të përfundojë në vitet e ardhshme, duke plotësuar nevojat e besimtarëve të shumtë që jetojnë dhe punojnë në këtë zonë.