Pavarësohet shkolla e fshatit Balloc të Podujevës

Ministria e Arsimit, Shkencës, Teknologjisë dhe Inovacionit ka dhënë pëlqimin për themelimin e institucionit edukativo-arsimor në fshatin Balloc.

Kjo nënkupton se shkolla fillore dhe e mesme e ulët në këtë fshat tashmë do të funksionojë si institucion i pavarur.

Deri më tani, shkolla në Balloc ka qenë paralele e ndarë e Shkollës “Ali Ajeti” në Sfeçël.

Pas vendimit të fundit, kjo shkollë do të veprojë si e pavarur, duke ofruar të gjitha shërbimet dhe të drejtat e një institucioni arsimor të plotë.

Ky vendim për pavarësimin e shkollës ka qenë një kërkesë e kahershme e banorëve të fshatit, të cilët tani gëzojnë këtë sukses të përbashkët.