Sot Kosova përballet me Lituaninë

Sot luhen ndeshjet e treta të Ligës C në Ligën e Kombeve, aty ku bën pjesë edhe Përfaqësuesja e Kosovës.

Dardanët do të përballen me Lituaninë, në ora 15:00.

Kosova në këtë ndeshje vjen si vendi i dytë i grupit, pasi në dy ndeshjet e para ka një fitore dhe një humbje.

Dardanët u mposhtën nga Rumania në Prishtinë, ndërsa fituan ndeshjen ndaj Qipros.

Për ndeshjen ndaj Lituanisë, Franc Foda do të llogarisë edhe në lojtarë si Edon Zhegrova, Aro Muric e Florent Muslija, të cilët muajin e kaluar u pezulluan nga Kosova për shkak të thyerjes së rregullave të vendosura nga FFK-ja dhe trajneri Foda.

Mungesa kryesore për ndeshjen e sotme është ajo e sulmuesit kryesor të Kosovës, Vedat Muriqi, i cili është i lënduar. Por vendin e tij pritet ta zë sulmuesi tjetër i cili po kalon formë fantastike, Albion Rrahmani.

Ndeshjen Lituani – Kosovë mund ta shikoni në ora 15:00 live në RTK 1.