Harroi tenxheren me ushqim mbi shporet, policia shpëton nga djegia një person

Falë intervenimit të Njësitit për intervenime të shpejta të Policisë së Kosovës, mbrëmë në Prishtinë është shpëtuar jeta e një shtetasi të Shqipërisë.

Burime të IndeksOnline pohojnë se shtetasi në fjalë, Aleksandër Sh., kishte harruar një tenxhere me ushqim mbi shporetin e ndezur, ushqim ky i cili ka filluar të digjet.

Incidenti ka ndodhur në rrugën “Meto Bajraktari”, diku rreth orës 1 pas mesnate.

Tymi nga djegia e ushqimit ka shqetësuar fqinjët e të dyshuarit, të cilët kanë kërkuar ndihmë nga Policia e Kosovës.

Njësiti i intervenimeve të shpejta ka ndërmarrë masa të menjëhershme, duke thyer derën e banesës së të dyshuarit, dhe duke intervenuar në fikjen e zjarrit.

Me këtë rast, është shpëtuar jeta e shtetasit të Shqipërisë dhe është parandaluar përhapja e zjarrit në përmasa më të mëdha./IndeksOnline/