Mbi 1600 shtëpi të ndërtuara nga shoqata që udhëhiqet nga Halil Kastrati

Mbi 1600 shtëpi të ndërtuara nga shoqata që udhëhiqet nga Halil Kastrati.

Kjo pas 15 viteve në shërbim të njerëzëve në nevojë.

Sipas Halil Kastratit këto vite kanë qenë të mbushura me shumë histori dhe ngjarje prekëse.

‘’Për një muaj, shënojmë 15 vite të aktiviteteve tona humanitare.Këto vite kanë qenë të mbushura me shumë histori dhe ngjarje prekëse.Kemi ndërtuar mbi 1600 shtëpi për familjet që kishin nevojë për një strehë, dhe kemi ndihmuar dhjetëra mijëra familje përmes kuzhinave tona humanitare dhe pakove ushqimore.Përkujdesja për jetimët ka qenë gjithashtu në zemrën e punës sonë, me mijëra prej tyre që marrin mbështetje mujore.Po ashtu, kemi ndihmuar mijëra njerëz të sëmurë në rrugëtimin e tyre drejt shërimit’’, ka shkruar Kastrati.

Ai ka prezantuar edhe disa nga projektet tona të mëdha që kanë përfunduar apo janë duke u ndërtuar:

– Shtëpia e të Moshuarve në Gjinoc, Suharekë

– Qëndrim ditor për të moshuar dhe kuzhinë humanitare në Vushtrri

– Qendra Kryesore e Mjekësisë Familjare (QKMF) në Mitrovicë

– Qëndrim ditor, kuzhinë humanitare dhe bujtinë për studentë në Podujevë

– Kuzhinë humanitare për 20,000 nxënës në Kamenicë

– Qëndrim ditor, kuzhinë humanitare dhe bujtinë për studentë në Gjilan

Dhe shumë e shumë aktivitete tjera.

Falenderojmë të gjithë ata që kanë besuar në punën tonë dhe na kanë mbështetur.

Zoti, kurrë mos ju humbtë!./Indeksonline/