Dy klubet më të mëdha në botë përballen sonte në ndeshjen më të mirë të sezonit
Real Madrid dhe Barcelona takohen sonte në Madrid në kuadër të La Ligas spanjolle.
Në këtë El Clasico të dy ekipet hyjnë me disa mungesa të rëndësishme. Te Reali mungon Courtois e Rodrygo, ndërsa te Barça mungojnë Ter Stegen, Araujo, Christensen e Ferran Torres.
Barça në Klasike vjen si lider i La Ligas me 27 pikë pas 10 ndeshjeve të zhvilluara. Ndërsa Real Madrid është në vendin e dytë me vetëm 3 pikë më pak.
Kjo Klasike mund ta thellojë diferencën nëse Barcelona e fiton ndeshjen, ndërsa pikët barazohen nëse Reali e fiton këtë ballafaqim.
El Clasico fillon në ora 21:00 dhe transmetohet në Super Sport 2 dhe Kujtesa Sport 1.
