Rekord: El Clasicon sonte do ta shikojnë më shumë se 1 miliardë njerëz

Sonte dy ekipet më të mëdha të botës, Real Madrid dhe Barcelona përballen në El Clasicon e javës së 11 të La Ligas spanjolle.

Katalunasit në këtë ndeshje vijnë si lider i La Ligas me 3 pikë më shumë se Reali, i cili ndodhet në vendin e dytë.

BzzMark ka publikuar disa të dhëna interesante për këtë Klasike.

Sipas të dhënave të publikuara thuhet se këtë ndeshje do ta shikojnë më shumë se 1 miliardë njerëz nga e gjithë bota.

Vetëm bileta për stadium janë shitur 85 mijë, ndërsa kanë aplikuar 1 milionë persona për t’u pajisur me biletë për ngjarjen më të madhe sportive.

Fituesi i kësaj ndeshje fiton 1 milionë e 500 mijë euro, ndërsa me barazim ekipet fitojnë nga 750 mijë euro. Kurse me humbje 0 cent.

Ky rivalitet i jashtëzakonshëm transmetohet në dy kanale shqiptare, në Kujtesa Sport dhe Super Sport.

Në komentim të ndeshjes në Kujtesa do të jetë Arbër Loxha, ndërsa në SuperSport në komentim është Glenti Nallbani.